"დაგუგლეთ... ინტერნეტი კარგი რამე მოიგონეს"- ბოკერიამ სესიაშვილს CIA და FBI-ის ანგარიშის მოსმენა ურჩია

პოლიტიკა - 15:05, 19 Apr, 2017

9055

„ქართული ოცნების“ წარმომადგენლების მოთხოვნას სახელმწიფო უსაფრთხოების სამსახურის უფროსის მოსმენის დახურულ რეჟიმში გაგრძელებასთან დაკავშირებით, „ევროპული საქართველოს“ ლიდერი გიგა ბოკერია გამოეხმაურა. გიგა ბოკერიამ თავდაცვისა და უსაფრთხოების კომმიტეტის თავმჯდომარე, ირაკლი სესიაშვილს, რომელიც სხდომის დახურვას ითხოვდა, ურჩია რომ ინტერნეტში დაეგუგლა როგორ ხდება ცენტრალური სადაზვერვო სააგენტოს უფროსის და ფედერალური საგამოძიებო ბიუროს ანგარიშების მოსმენა.

„თუ თქვენ გინდათ, რომ ისეთი კითხვები და გამმოსვლები გქონდეთ, რომელიც სახელმწიფო საიდუმლოებას შეიცავს კი ბატონო დახურეთ. მე არ ვაპირებ არცერთი სახელმწიფო საიდუმლოს ხსენებას ჩემი პოლიტიკური გამოსვლისას. ვერ გავიგე თავს იტყუებთ? რატომაა რაღაც საფარქვეშ რომაა, ეს უფრო სასაცილოდ ჟღერს. მინდა ბატონ ირაკლის ვთხოვო, უპატივცემულესს, რომ გახვალთ დაგუგლეთ, ცენტრალური სადაზვერვო სააგენტოს უფროსის და ფედერალური საგამოძიებო ბიუროს ანგარიძების მოსმენის საჯარო ნაწილი. იქ წინასწარ ხდება შეთანხმება იმ საკითხებზე რომელიც დახურულია და საჯარო დებატებზე. ინტერნეტი კარგი რამე მოიგონეს, თქვენც კი, ოცნების წარმომადგენლებსაც შეგიძლიათ გაიგოთ“- განაცხადა გიგა ბოკერიამ.