რუსეთის საგარეო საქმეთა მინისტრი სერგეი ლავროვი ოკუპირებულ აფხაზეთში იმყოფება, იგი სოხუმში რუსეთის ე.წ. საელჩოს გახსნას დაესწრო. პრესკონფერენციაზე კი განაცხადა რომ დე ფაქტო პრეზიდენტთან ე.წ. საზღვრების საკითხს განიხილავს:

„უნდა გადაიხედოს თემები, რომლებზეც სამუშაოა, ეს თემებია როგორც საზღვრები, ასევე კერძო საქმიანობის სფერო. ჩვენ დაინტერესებულები ვართ, რომ მხარი დავუჭიროთ თქვენს კურსს რათა უზრუნველვყოთ აფხაზეთის თითოეული მცხოვრების თანაბარი უფლებები, რათა თითოეული მათგანი თავს მშვიდად გრძნობდეს, ეროვნული თანხმობის შესაბამისად. ჩვენ ასევე გვაინტერესებს საერთაშორისო აქტივობა, აქტიურად ვთანამშრომლობთ ჟენევის მოლაპარაკებების ფორმატში, ეს ძალიან მნიშვნელოვანი კონტექსტია საგარეო ურთიერთობებში მუშაობის თვალსაზრისით“, - განაცხადა სერგეი ლავროვმა.