”მეუფე იაკობმა მამა გიორგის, ფაქტობრივად, ბრალის აღიარება სთხოვა”- მიხეილ რამიშვილი

პოლიტიკა - 23:01, 18 Apr, 2017

3545

მეუფე იაკობის მიერ ქადაგების როს გაკეთებულ განცხადებას იმასთან დაკავშირებით, რომ პატრიარქის მოწამვლა იგეგმებოდა, დეკანოზ გიორგი მამალაძის ადვოკატი გადაცემა ”არჩევანში” გამოეხმაურა. მიხეილ რამიშვილის თქმით მისი განცხადება არის ძალიან არასწორი მიდგომა საქმის მიმართ. ავოკატის თქმით საქმის ისტორია მოწმემ არ უნდა იცოდეს.

„მე სრული მოთხოვნა გამაჩნია, რომ დამდონ პატივი წმინდა სინოდის წევრებმა, გამონახონ დრო და ჩვენ მზად ვართ, მივიდეთ და, თუ ასე კარგად იცნობენ საქმეს, როგორც მეუფე იაკობი ბრძანებს, მე და გიორგი თანახმა ვართ და მზად ვართ, ალტერნატიული საქმის მასალები გავაცნოთ,“ - განაცხადა მიხეილ რამიშვილმა.

მისი თქმით, მეუფე იაკობმა მამა გიორგის, ფაქტობრივად, ბრალის აღიარება სთხოვა.

„ყველაფერს ძალიან დიდი სიფრთხილე სჭირდება. ადამიანის სიტყვას, ნებისმიერი სტატუსის მქონეს, აქვს ძალიან დიდი ძალა, ყველა სიტყვის თქმას ძალიან დიდი მნიშვნელობა აქვს,“ - განაცხადა მიხეილ რამიშვილმა.

მან ასევე აღნიშნა, რომ მამა გიორგი მამალაძის ადვოკატად დანიშვნამდე, მას პროკურატურის განცხადებებიდან გამომდინარე შეექმნა ისეთი შთაბეჭდილება, რომ საქმე მაღალი იერარქიის მქონე სასულიერო პირის მკვლელობის მცდელობას შეეხებოდა.