რუსეთის საგარეო საქმეთა მინისტრის ოკუპირებულ აფხაზეთში ვიზიტს მიზანმიმართულ პროვოკაციად აფასებს ”ევროპული საქართველოს” წევრი, გიორგი კანდელაკი. მისი თქმით საქართველოს ხელისუფლებამ იმის ნაცვლად რომ საკითხისაკენ მსოფლიო თანამეგობრობის ყურადღება მიაპყროს, საეჭვოდ დუმს და ჯერჯერობით მხოლოდ რუტინული განცხადებით შემოიფარგლა:

”საგარეო საქმეთა სამინისტროს რუტინული განცხადება კარგია, მაგრამ ასეთ დონეზე ხომ გლობალური საკითხები არ წყდება?! რა გახდა თუნდაც ერთი სატელეფონო ზარი, რომ აიღოს ყურმილი საქართველოს პრემიერმინისტრმა, გიორგი კვირიკაშვილმა და დაურეკოს ამერიკის პრეზიდენტს, რათა ყურადღება მოიპყროს საქართველოს პრობლემების მიმართ, მაგრამ ამასაც არ აკეთებს. მე მეტსაც ვიტყვი, საქართველოს მთავრობის, პრემიერმინისტრის დუმილი ამ საკითხთან დაკავშირებით არის უკვე საეჭვო.“ - განაცხადა გიორგი კანდელაკმა.