18 აპრილს ოკუპირებულ აფხაზეთში რუსეთის საგარეო საქმეთა მინისტრის სერგეი ლავროვის ვიზიატია დაგეგმილია, აღნიშნულს უარყოფითად აფასებენ ანალიტიკოსები, რომლებიც მიიჩნევენ, რომ მსგავსი ქმედება უხეშად არღვევს საერთაშორისო სამართლის პრინციპებს

„რუსეთის მხრიდან, ეს არის კიდევ ერთი დემონსტრირება იმისა, რომ ის უხეშად არღვევს საერთაშორისო სამართალს. რუსეთს ფაქტობრივად გადაჰყავს ფაქტობრივ ანექსიაში ეს ყველაფერი და ამ ყველაფერზე საქართველოს ხელისუფლების მხრიდან რეაგირება უნდა იყოს ძალიან მკაცრი,“ - განაცხადა სტრატეგიული ანალიზის ცენტრის დამფუძნებელმა გიორგი რუხაძემ.

საქართველოს ატლანტიკური საბჭოს ვიცე პრეზიდენტი ბათუ ქუთელია აცხადებს, რომ რუსეთი არა მარტო საქართველოს, არამედ რეგიონალურ უსაფრთხოებასაც უქმნის საფრთხეს.

„ეს ვიზიტი უნდა გახდეს უკვე ბოლო წვეთი იმისთვის, რომ საქართველოს დღევანდელმა ხელისუფლებამ მთლიანად გადახედოს თავის პოლიტიკას რუსეთთან მიმართებაში და ფუნდამენტალურად შეცვალოს ის მიდგომები, რომელიც 2012 წლიდან მოყოლებული ემსახურებოდა საქართველო-რუსეთის მათ მიერ დეკლარირებულ პოლიტიკა,“ - განაცხადა ბათუ ქუთელიამ.