ვაშინგტონში ნატო-ს გენერალური მდივანი ოფიციალური ვიზიტით იმყოფება. იენს სტოლტენბერგმა ვიზიტის ფარგლებში ალიანსში საქართველოს გაწევრიანების პერსპექტივაზე ისაუბრა.

სტოლტენბერგი საკუთარ გამოსვლაში ყირიმსა და საქართველოში განხორციელებულ რუსულ აგრესიასაც შეეხო.

“საქართველო ახორციელებს შთამბეჭდავ რეფორმებს, აძლიერებს დემოკრატიულ ინსტიტუტებს, ახდენს თავდაცვითი სტრუქტურების მოდერნიზებას და ებრძვის კორუფციას. ეს ყველაფერი ნატოში გაწევრიანების ნაწილია. მე ყოველთვის ვუსვამ ხაზს, რომ რეფორმების გატარება კარგია, რადგან უახლოვდები ნატოს. თუმცა, იმ შემთხვევაშიც კი, თუ მიზანი ნატოსთან დაახლოება არ არის, კორუფციას უნდა ებრძოდე და დემოკრატიულ ინსტიტუტებს აძლიერებდე. ისეთ ქვეყნებში, როგორიც საქართველოა, ამას ორმაგი მიზანი აქვს, რადგან მისი მიზანი ნატოს წევრობაა. ნატო მხარს უჭერს მას რეფორმების პროცესში,” - განაცხადა სტოლტენბერგმა.