საკონსტიტუციო კომისიასთან და მმართველ გუნდთან ულტიმატუმებით საუბარი არასწორია

საკონსტიტუციო კომისიასთან და მმართველ გუნდთან ულტიმატუმებით საუბარი არასწორია - მდინარაძე

პოლიტიკა - 17:08, 13 Apr, 2017

1510

საპარლამეტნო უმრავლესობის წევრი მამუკა მდინარაძე ოპოზიციის მხრიდან, საკონსტიტუციო კომისიისადმი შესაძლო ბოიკოტს ეხმაურება.

"ვფიქრობ, საკონსტიტუციო კომისიასთან და მმართველ გუნდთან ამ შემთხვევაში ულტიმატუმებით საუბარი არ არის სწორი, რადგან, ყველა კარგად ხედავს, რომ კომისიაში მიდის საგნობრივი მსჯელობა ყველა დეტალთან დაკავშირებით"- აცხადებს მდინარაძე.

მისითქმით, არცერთი საკითხი არ დასმულა, რომელზეც კომისიას არ უმსჯელია და ყველა საკითხთან დაკავშირებით მიდის საგნობრივი, სიღრმისეული მსჯელობა.

„გადაწყვეტილებას კომისია იღებს, პრაქტიკულად ხმათა უმრავლესობით ყოველ ჯერზე. საბოლოო კენჭისყრა კომისიას ჯერ არ ჩაუტარებია, აქედან გამომდინარე წინასწარ ნამდვილად ვერ გაგცემთ პასუხს, რომელ ნაწილში შევა ცვლილებები, რომელ ნორმაში, მაგრამ საბოლოოდ ჩვენ მაისამდე მივიღებთ პროექტის საბოლოო ვარიანტს, რომელსაც გავიტანთ საყოველთაო სახალხო განხილვაზე“, - აღნიშნა მდინარაძემ.

არასაპარლამენტო ოპოზიციამ, შესაძლოა, საკონსტიტუციო კომისიას ბოიკოტი გამოუცხადოს.ოპოზიციის მთავარი მოთხოვნებია პრეზიდენტის პირდაპირი წესით არჩევა, მაჟორიტარული სისტემის გაუქმება და არჩევნების ერთიანი პროპორციული სისტემით ჩატარება და ამასთან, გაუნაწილებელი მანდატების პროპორციულად გაყოფა, საარჩევნო ბარიერის 5-დან 3 %-მდე შემცირება და ბლოკების შენარჩუნება.