სახელმწიფო უსაფრთხოების სამსახურის უფროსის მოადგილემ ალეკო ტაბატაძემ ჟურნალისტებთან პარლამენტის სამი კომიტეტის გაერთიანებული სხდომის შემდეგ კომენტარი გააკეთა.

მან მიმდინარე პროცესზე ისაუბრა და განაცხადა, რომ არ ყოფილა საუბრები იმ საკითხებზე, რომლებიც საიდუმლოებას წარმოადგენს:

„გაცემული იქნა იმ დოზით კითხვებზე პასუხები, რასაც კანონმდებლობა ითვალისწინებს, რადგან მკაცრად არის განსაზღვრული, თუნდაც კონტრდაზვერვითი საქმიანობის შესახებ კანონში გაწერილი, რომ ის, რისი თქმის უფლებაც არ გვაქვს და რაც არის სრულიად საიდუმლო, ამას ჩვენ გაერთიანებულ დეპუტაციასთანაც ვერ ვიტყვით, ის, რაც ჩვენ ჩავთვალეთ საჭიროდ, რომ გვეთქვა მათთვის და ეს არ იქნებოდა კანონდარღვევა, რადგან გარკვეულწილად, ჩემი მხრიდან, ისეთ საკითხებზე საუბარი, რომელიც არ არის მიზანშწონილი და რომელიც კანონით იკრძალება, ეს არ შეიძლება და ამას რა თქმა უნდა არ გავაკეთებდით“, - განაცხადა ალეკო ტაბატაძემ.