ელისო კილაძის შვილის დკავების საქმეს კიდევ ერთხელ გამოეხმაურა საქართველოს სახალხო დამცველი. უჩა ნანუაშვილის განცხადებით, მისი აპარატის წარმომადგენლები რამდენიმე დღის წინ დაკავებულს შეხვდნენ. ომბუდსმენი ხარშილაძის საქმის ობიექტური გამოძიების აუცილებლობაზე საუბრობს:

„სახალხო დამცველის აპარატის წარმომადგენლები შეხვდნენ დაკავებულს რამდენიმე დღის წინ, გარდა ამისა ჩვენ საუბარი გვქონდა იმაზე, რომ პროკურატურას უნდა გამოეძიებინა დაზიანებებთან დაკავშრებით გავრცელებული ინფორმაცია და გადაემოწმებინა თუ როდის და რა გარემოებებში მოხდა ასეთი დაზიანების მიყენება, თუმცა, ასევე არის მნიშვნელოვანი საქმის დეტალები, მათ შორის პროცესუალური დარღვევები, რომელზეც თვითონ დაკავებული საუბრობს, აქ მნიშვნელოვანია, რომ ყველა ასეთი ფაქტი იყოს გადამოწმებული და გამოძების რეაგირება მოხდეს ამ საკითხებთან დაკავშრებით, სახალხო დამცველსაც ჰქონდა მსგავსი რეკომენდაცია, რომ არამხოლოდ საპატრულო პოლიციის თანამშრომლებს, არამედ იგივე კრიმინალური პოლიციის თანამშრომლებსაც ჰქონდეთ სამხრე ვიდეოკამერები, თუმცა ეს რეკომენდაცია სამწუხაროდ დღემდე არ არის გაზიარებული“, - განაცხადა უჩა ნანუაშვილმა.