საქართველოს პარლამენტის თავმჯდომარის პოზიციას იმასთან დაკავშირებით, რომ სტრასბურგის სასამართლოზე გავლენის მოპოვების მცდელობა იყო საქართველოში გარკვეული ჯგუფების მხრიდან და ამან გამოიწვია მისი გადაწყვეტილება რუსთავი 2-თან მიმართებით, უმრავლესობის წევრები იზიარებენ. გიორგი ვოლსკის განცხადებით, პრეზიდენტის, არასამთავრობო ორგანიზაციებისა თუ პარტიების განცხადებები გავლენას ახდენს ევროსასამართლოს გადაწყვეტილებაზე.

„წამყვანი ინსტიტუტების, პრეზიდენტის, არასამთავრობო ორგანიზაციების, პარტიების განცხადებები, რასაკვირველია, გავლენას ახდენს სტრასბურგის სასამართლოს, ამ შემთხვევაში გადაწყვეტილებაზე, იმის თაობაზე, რომ მართლაც რამე არ მოხდეს და ცუდად არ განვითარდეს პროცესები და აღსრულების შეჩერებაზე მოთხოვნაც ამან განაპირობა,“- განაცხადა გიორგი ვოლსკიმ.