საქართველოს პარლამენტის ტავმჯდომარე ირაკლი კობახიძე რუსთავი 2-ის საქმესთან დაკავშრებით აცხადებს, რომ გარკვეული ჯგუფების მხრიდან იყო მცდელობა სტრასბურგის სასამართლოზე გავლენა მოეპოვებინა და ამ გავლენის საფუძველზე მოხდა გადაწყვეტილების მიღება.

პარლამენტის თავმჯდომარის განცხადებებს მესამე სექტორი ეხმაურება. მათი ტქმით, უსაფუძვლოა საუბრები იმის თაობაზე, რომ სტრასბურგის სასამართლოზე პოლიტიკური გავლენის მოხდენაა შესაძლებელი.

„სრულიად უსაფუძვლოა იმაზე საუბარი, რომ ევროპული სასამართლო შეიძლება მოექცეს რომელიმე ქვეყნის სამოქალაქო სექტორის ქვეშ. გადაწყვეტილება, რომელიც მიიღო სტრასბურგის სასამართლომ ემყარებოდა ერთის მხრივ მედიის მნიშვნელობას და იმ რისკებს, რომელიც დაინახა სტრასბურგის სასამართლომ რუსთავი 2-ის საქმის განხილვის დროს,“-აცხადებს ადამიანის უფლებების სწავლებისა და მონიტორინგის ცენტრის წარმომადგენელი სოფო ვერძეული.

საერთაშორისო გამჭვირვალობა - საქართველოში ამბობენ, რომ მაღალი თანამდებობის პირების მხრიდან მსგავსი ტიპის განცხადებები, ეჭვქვეშ აყენებს ქვეყნის იმიჯს.

„სტრასბურგის ავტორიტეტის ეჭვქვეშ დაყენება პირდაპირ უქმნის საფრთხეს ჩვენს იმიჯს და ინტერესებს გარეთ. ძალიან სამწუხაროა ამგვარი განცხადებების გაკეთება პარლამენტის თავმჯდომარისგან. ასეთ განცხადებები არის ერთ-ერთ კომპონენტი რაც ამ საქმეს პოლიტიკურ ელფერს სძენს,“-განაცხადა გიორგი გვილავამ.