რუსეთის მიერ საქართველოს ოკუპირებული ტერიტორიების ანექსია - აღნიშნულის დაგმობის თაობაზე, „ევროპული საქართველოს“ რეზოლუციის პროექტს დღეს საგარეო ურთიერთობათა კომიტეტის სხდომაზე განიხილავენ.

რეზოლუციის პროექტს მხარს უჭერს ნაციონალური მოძრაობაც.

„რეზოლუცია ერთის მხრივ აფასებს იმ ვითარებას რა ვითარებაც არის დღეს ოკუპირებულ ტერიტორიაზე, როდესაც რუსეთის ფაქტობრივად ახდენს ანექსიას და ეს პროცესი ძალიან მწვავედ მიმდინარეობს, მეორე მხრივ არის დავალება მთავრობაზე თუ რა უნდა გააკეთოს.

საქართველოს პარლამენტს არ აქვს უფლება არ შეაფასოს ის ვითარება, რა ვითარებაც არის დღეს ოკუპირებულ ტერიტორიებზე და რა პოლიტიკასაც აწარმოებს რუსეთი,“-განაცხადა სერგო რატიანმა.

უმრავლესობა კი არ აპირებს მის მხარდაჭერას და ახალ დოკუმენტზე მუშაობს, სადაც მკაფიოდ იქნება გაწერილი რუსეთის ქმედებებზე პარლამენტის პოზიცია.

„დესტრუქციული ნაბიჯები, რომელიც მომდინარეობს რუსეთის მხრიდან, ჩვენ ვმუშაობთ რეზოლუციაზე და პარლამენტი მიუძღვნის შესაბამის აქტს. იმ ვერსიაში რაც არის ევროპული საქართველოს მიერ ინიცირებული, არის საკითხები, რომელსაც ჩვენ არ ვეთანხმებით. პირველ რიგში არ ვეთანხმებით იმას, თითქოს აღმასრულებელი ხელისუფლება აკლებს რაიმე ძალისხმევას საერთაშორისო საზოგადოების მობილიზებას,“-აცხადებს თამარ ჩუგოშვილი.