მაჟორიტარული სისტემის გაუქმების ვადებმა შესაძლოა გადაიწიოს - ,, ეს არის კომისიის წევრების მოტყუების მცდელობა“

პოლიტიკა - 19:51, 11 Apr, 2017

1427

მმართველი გუნდის მიერ შემოთავაზებულ საკონსტიტუციო ცვლილებათა პროექტში განსაზღვრული არ არის მაჟორიტარული სისტემის გაუქმები ვადები, რაც ოპოზიციასა და არასამთავრობო სექტორის წარმომადგენლებში კითხვებს აჩენს.

მმართველი გუნდის წევრი, პარლამენტის ვიცე-სპიკერი, ზვიად ძიძიგური აცხადებს, რომ მაჟორიტარული სისტემის შენარჩუნებას უმრავლესობაში მხარდამჭერები ჰყავს, მისივე თქმით, აღნიშნული სისტემის გაუქმების ვადებმა შეიძლება გადაიწიოს.

,,ჩვენი პოზიცია საკონტიტუციო კომისიაში რაც არის დაფიქსირებული და გამოკვეთილი ეს არის 2020 წლიდან პროპორციულზე გადასვლის თემა, თუმცა საბოლოო გადაწყვეტილება ღებულობს პარლამენტი“ - აცხადებს ზვიად ძიძიგური

სამოქალაქო სექტორი პარლამენტში მაჟორიტარული სისტემის საკითხთან მიმდინარე განხილვას ეხმიანება. მათ კითხვებს უჩენთ საარჩევნო სისტემის ვადების ცვლილება. არასამთავრობოს წარმომადგენლის თქმით, საკონსტიტუციო კომისიის სხდომაზე 2020 წლის შემდეგ არჩევნების ფორმის შეცვლის შესახებ საუბარი არ ყოფილა.

არასამთავრობო სექტორის წარმომადგენლებისთვის ვადების შეცვლაზე საუბარი მმართველი გუნდის მხრიდან სიურპრიზი იყო. სამართლიანი არჩევნებისა და დემოკრატიის საერთაშორისო საზოგადოების აღმარულებელი დირექტორი მიხეილ ბენიძე ამბობს, რომ ადგილი აქვს კომისიის წევრების მოტყუების მცდელობას

„ეს არის სიურპრიზი. ამაზე სერიოზული მსჯელობა საკონსტიტუციო კომისიის სხდომებზე არასდროს არ ყოფილა და ახლა მსჯელობა იმაზე, რომ ეს შეიძლება 2020 წელს არ შეეხებოდეს, არის სრულიად მიუღებელი. ჩვენი ყველას პოზიცია არის ის, რომ ეს უნდა მოხდეს დაუყოვნებლივ. ეს იქნება, როგორც საზოგადოების, ასევე ამ კომისიის წევრების მოტყუების მცდელობა, თუკი ხელისუფლების წარმომდგენლები, მმართველი პარტია ისე შემოატრიალებს სიტუაციას, რომ სინამდვილეში, 2020 წელს არ შეეხება ეს ცვლილებები,“ - განაცხადა მიხეილ ბენიძემ.