„გარკვეული გადაწყვეტილებები ჩვენთვისაც მტკივნეული იყო“

„გარკვეული გადაწყვეტილებები ჩვენთვისაც მტკივნეული იყო“ - იზორია თავდაცვის უწყების რეფორმებზე

პოლიტიკა - 12:55, 11 Apr, 2017

1797

საქართველოს თავდაცვის მინისტრი ლევან იზორია ყოველწლიურ ანგარიშს უმაღლეს საკნონმდებლო ორგანოს აცნობს. ლევან იზორიას თავდაცვისა და უშიშროების კომიტეტის სხდომაზე უსმენენ.

თავდაცვის მინისტრმა საკადრო ცვლილებების პოლიტიკაზეც ისაუბრა. მომავალ კვირას ლევან იზორია ფრანგ კოლეგას შეხვდება, შეხვედრის დაწყებამდე სახელმწიფო მინისტრმა განაცხადა, რომ იგი მზად არის დეპუტატების ყველა შეკითხვას პასუხი გასცეს:

„შესაძლოა გარკვეული გადაწყვეტილებები ჩვენთვისაც იყო მტკივნეული, ამის დასაბუთებას მე ბუნებრივია დღევანდელი სხდომის ფარგლებში წარმოვადგენ, მაგრამ მთავარი, რაც ამის ლეგიტიმაციას და სიმყარეს გვაძლევდა, არის ის, რომ ყველა ნაბიჯი გადადგმული თავდაცვის უწყების რეფორმირებისთვის, მიმართული იყო ჩვენი თავდაცვის უნარიანობის გაძლიერებისკენ, ჩვენი სამხედრო მზადყოფნის გაძლიერებისკენ, 70% გეგმებისა უკვე შევასრულეთ, დარჩენილი უკავშირდება შესაბამისი აღჭურვილოსბი შეძენას, უკავშირდება უფრო მეტ წვრთნებს და სტაბილური ინსტიტუციური განვითარების პირობების შექმნას.

ყველა გადაწყვეტილება, რომელიც იქნება საკონსტიტუციო კომისიის ფარგლებში მიღებული, დაეფუძნება საერთაშორისო საუკეთესო პრაქტიკას, აქედან გამომდინარე სწორედ ამ პრაქტიკის გაზიარებით მოხდება ყველა ცვლილების განხორციელება, მათ შორის იმ მიმართულების ფარგლებში, რასაც თავდაცვის უწყება ჰქვია. ჩვენ, როგორც უწყება ამ პროცესში აქტიურად ვართ ჩართული, ბუნებრივია გადაწყვეტილებები კონსესუსის საფუძველზე იქნება მიღებული“, - განაცხადა ლევან იზორიამ.