"რა მიზნისკენ მიდის თავდაცვის სამინისტრო, როდესაც ასეთ მასშტაბურ ცვლილებებს ახორციელებს?"- აბესაძე

პოლიტიკა - 12:01, 11 Apr, 2017

1839

“მოძრაობა თავისუფლებისთვის-ევროპული საქართველოს” წევრი ირაკლი აბესაძე თავდაცვის კომიტეტში მინისტრის ვიზიტ გამოეხმაურა. აბესაძის თქმით მას აინტერესებს თავდაცვის სამინისტროში მიმდინარე რეორგანიზაციის პროცესის შესაბამისობა თავდაცვის დაგეგმვის სტრატეგიულ დოკუმენტებთან და ასევე ის, თუ რა გეგმით და რა მიზნისკენ მიდის თავდაცვის სამინისტრო, როდესაც ასეთ მასშტაბურ ცვლილებებს ახორციელებს.

,,გვაინტერესებს თავდაცვის სამინისტროში მიმდინარე რეორგანიზაციის პროცესის შესაბამისობა თავდაცვის დაგეგმვის სტრატეგიულ დოკუმენტებთან და საინტერესოა, რა გეგმით და რა მიზნისკენ მიდის თავდაცვის სამინისტრო, როდესაც ასეთ მასშტაბურ ცვლილებებს ახორციელებს. ჩვენი შეკითხვები იქნება საბიუჯეტო სახსრების ხარჯვის კუთხით მათშორის საკადრო პოლიტიკის და კონკრეტული საკადრო გადაწყვეტილების მიღების მიზანშეწონილობასთან დაკავშირებით. ასევე, კონსტიტუციაში დასაგეგმ ცვლილებებთან დაკავშირებით, სადაც საქართველოს პრეზიდენტის, უმაღლესი მთავარსარდლის მთელი რიგი ფუნქციები არის მნიშვნელოვნად დაკნინებული და მიუხედავად იმისა, რომ ის მთავრსარდლად რჩება, კონსტიტუციით მას ფაქტიურად არანაირი შესაძლებლობა არ აქვს მართოს თავდაცვის ძალები საომარი თუ საგანგებო მდგომარეობის დროს. იმედი გვაქვს, რომ მივიღებთ შესაბამის პასუხებს,’’- განცხადა ირაკლი აბესაძემ.