წყლის რესურსების მართვის თაობაზე ეროვნული საკოორდინაციო კომიტეტის შეხვედრა გაიმართა

პოლიტიკა - 11:38, 11 Apr, 2017

624

გაეროს ევროპის ეკონომიკური კომისიის, ეკონომიკური თანამშრომლობისა და განვითარების ორგანიზაციის (OECD) და გარემოსა და ბუნებრივი რესურსების დაცვის სამინისტროს მიერ, წყლის რესურსების ინტეგრირებული მართვის თაობაზე ეროვნული პოლიტიკური დიალოგის ფარგლებში, ეროვნული საკოორდინაციო კომიტეტის რიგით მე-5 შეხვედრა გაიმართა. შეხვედრის მონაწილეებს გარემოსა და ბუნებრივი რესურსების დაცვის მინისტრის მოადგილემ ეკატერინე გრიგალავამ მიმართა.

შეხვედრის მიზანია ეროვნული პოლიტიკური დიალოგის მიმდინარე სტატუსის და საქართველოსთვის ევროკავშირის “წყლის ინიციატივა +” პროექტის ფარგლებში 2017-2020 წლების ეროვნული პრიორიტეტების განხილვა. ასევე, საქართველოში წყლის სექტორში მიმიდინარე საერთაშორისო პროექტებს შორის სასარგებლო კავშირებისა და თანამშრომლობის გაძლიერება.

გაეროს ევროპის ეკონომიკურ კომისიასა და გარემოსა და ბუნებრივი რესურსების დაცვის სამინისტროს შორის გაფორმებული მემორანდუმების (2010, 2015 წ.წ.) თანახმად, 2010 წლიდან საქართველოში მიმდინარეობს ეროვნული პოლიტიკური დიალოგი წყლის რესურსების ინტეგრირებული მართვის თაობაზე.

ამ პროცესში გარემოსა და ბუნებრივი რესურსების დაცვის სამინისტრო და გაეროს ევროპის ეკონომიკური კომისიაN(UNECE) წარმოადგენენ მთავარ სტრატეგიულ პარტნიორებს.

ეროვნული პოლიტიკური დიალოგი ამ ეტპზე ფოკუსირებულია გაეროს 2030 წლამდე მდგრადი განვითარების მიზნებისა და ევროკავშირის რეგიონული პროექტი „წყლის ინიციატივა+“-ით განსაზღვრული ამოცანების შესრულებაზე.