სახელმწიფო სამხედრო სამეცნიერო-ტექნიკური ცენტრ დელტას ხელმძღვანელი უჩა ძოძუაშვილი თანამდებობაზე აღადგინეს. უჩა ძოძუაშვილი აღნიშნულ თანამდებობაზე მუშაობას უკვე შეუდგა და მივლინებით საუდის არაბეთში იმყოფება.

აღნიშნულთან დაკავშირებით თავდაცვის სამინისტროს განცხადებას ავრცელებს:

„საქალაქო სასამართლომ უჩა ძოძუაშვილის სარჩელი დააკმაყოფილა, რომელიც თავდაცვის მინისტრის 18.05.2016 წლის #1666 ბრძანების ბათილად ცნობას და სსიპ სახელმწიფო სამხედრო სამეცნიერო-ტექნიკური ცენტრის „დელტას“ გენერალური დირექტორის დროებითი მოვალეობის შემსრულებლის პოზიციაზე აღდგენას ითხოვდა.

საქართველოს თავდაცვის სამინისტრო პატივს სცემს სასამართლოს გადაწყვეტილებას და მისი აღსრულების მიზნით ბათილად სცნო თავდაცვის მინისტრის 18.05.2016 წლის #1666 ბრძანება, რის საფუძველზეც უჩა ძოძუაშვილი 2017 წლის 22 მარტს დაუბრუნდა მის მიერ 18.05.2016 წლამდე დაკავებულ თანამდებობას“, - ნათქვამია განცხადებაში.