ნატო-საქართველოს სახალხო დიპლომატიის ორდღიანი ფორუმი თბილისში - ფორუმი საქართველოს პრემიერ-მინისტრმა გიორგი კვირიკაშვილმა გახსნა.

ფორუმში მონაწილეობის მისაღებად თბილისში ნატოს გენერალური მდივნის თანაშემწე სახალხო დიპლომატიის საკითხებში ტაკან ილდემი იმყოფება. საქართველოს პრეზიდენტი ფორუმში მონაწილეობას ხვალ მიიღებს.

განცხადება ფორუმის მნიშვნელობასა და ნატო-საქართველოს ურთიერთობაზე ნატოს სამეკავშირეო ოფისის ხელმძღვანელმაც ისაუბრა.

„საქართველოს აქტიურობა არსებული პროპაგანდის პირობებში და სახალხო დიპლომატიის გამოყენება აუცილებელია. ყველა დემოკრატიულ ქვეყანას სჭირდება კომუნიკაციის სტრატეგია და განსაკუთრებით საქართველოს, რომელიც რუსული პროპაგანდის სამიზნეა და ამ ქვეყნის ტერიტორიების ოკუპაციას რუსეთი ახდენს.

ახლო მომავალში ნატოს საპარლამენტო ასამბლეის ფარგლებში ნატოს გენერალური მდივნის ვიზიტი, ასევე სათანადოდ წარმოაჩენს საქართველოს და მის მისწრაფებებს მსოფლიო ასპარეზზე,“ - განაცხადა უილიამ ლაჰიუმ.