გელა ხვედელიძე მასზე თავდასხმაში სოსო გოგაშვილს ადანაშაულებს

გელა ხვედელიძე მასზე თავდასხმაში სოსო გოგაშვილს ადანაშაულებს - ,,ჩემზე თვალთვალს ის ახორციელებდა“

პოლიტიკა - 21:46, 09 Apr, 2017

3509

ვინ განახორციელა თავდასხმა შს მინისტრის ყოფილ მოადგილეზე და რატომ ახორციელებდა მასზე თვალთვალს სუს-ის უფროსის მოადგილე.

გელა ხვედელიძე მასზე თავასხმის დეტალებზე ,,პოსტსკიპტუმთან" ექსკლუზიურ ინტერვიუში საუბრობს. მისი თქმით, პიროვნებები რომლებიც ქალაქი ცენტრში ახორციელებდნენ ასეთ ღონისიძებას, ჩნდება ვარაუდი, რომ მათ ჰყავთ მფარველები ძალოვან უწყებებში.

გელა ხვედელიძე ამბობს, რომ მას თავდასხმამდე სახელმწიფო უსაფრთხოების სამსახურის თანამშრომლები უთვალთვალებდნენ. ინტერვიუში მან სუს-ის ხელმძღვანელის მოადგილე, სოსო გოგაშვილი დაასახელა.

„ინტერესის საგანი ვიყავი და ეს გოგაშვილმაც კარგად იცის. ძირითადად ეგ ახორციელებდა წლების განმავლობაში ჩემთან მიმართებაში გარკვეულ ოპერატიულ ღონისძიებებს, ვის ველაპარაკებოდი და რას“ - აცხადებს გელა ხვედელიძე.

ხვედელიძეს ეეჭვება რომ თავდასხმა გამოძიებული იყოს.

შს მინისტრის ყოფილი მოადგილის თქმით, სუს-ს, კერძოდ კი უწყების ხელმძღვანელის მოადგილეს, ის პირად მტრად ჰყავდა გამოცხადებული.

,,ჩემი მეგობრები მეუბნებოდნენ, რომ მათ გოგაშვილის წარმომადგნლები ეუბნებოდნენ - დაანებეთ გელასთან ურთერთობას თავი“ - ამბობს ხვედელიძე.

გელა ხვედელიძე გამორიცხავს, რომ სოსო გოგაშვილის გარდა რომელიმე გავლენიან პირს შეეძლოა მის წინააღმდეგ თავდასხმა განეხორციელებინა.

შესაძლოა თუ არა თავდასხმის საფუძველი გელა ხვედელიძის ხელთ არსებული რაიმე სახის ინფორმაცია გამხდარიყო, შს მინსიტრის ყოფილი მოადგილე არ გამორიცხავს, ,,შესაძლოა... ძალიან ბევრ ინფორმაციას ვფლობ“.

ის არ გამორიცხავს, რომ მსგავსი ტიპის თავდასხმები სხვადასხვა სახის ინფორმაციის მქონე ადამიანების წინააღმდეგაც დაიგეგმოს.