"ვუყურებ, როგორ უბრაზდებით და ეჩხუბებით საქართველოს პრეზიდენტს"- ირაკლი აბესაძე

პოლიტიკა - 18:19, 07 Apr, 2017

1377

მოძრაობა თავისუფლებისთვის-ევროპული საქართველოს წევრმა ირაკლი აბესაძემ პარლამენტში გამოსვლისას აღნიშნა, რომ დღეს საზოგადოება თვალს ადევნებს იმას, თუ როგორ ეჩხუბება და უბრაზდება პრეზიდენტს საპარალემენტო უმრავლესობა.

,,ვუყურებ, როგორ უბრაზდებით და ეჩხუბებით საქართველოს პრეზიდენტს. ელოდით, რომ უფრო მომზადებული იქნებოდა, ელოდით უფრო ობიექტურს და შინაარსობრივ გამოსვლას. გაუბრაზდით, როდესაც 15 წუთით დატოვა დარბაზი და ამ ვითარებაში დაგავიწყდათ მთავარი. ჩვენ არ ვესაუბრებით მხოლოდ და მხოლოდ ერთმანეთს, არამედ ვესაუბრებით საზოგადოებას და ვსაუბრობთ საზოგადოებისთვის საინტერესო თემებზე.

ვსაუბრობთ საზოგადოებაზე, რომელიც ცხოვრობს სიღარიბეში, რომელიც ცხოვრობს უმუშევრობისა და ფასების კატასტროფული ზრდის ფონზე, რომელიც შეგახსენათ კიდეც პრეზიდენტმა და როგორ ჩანს, ეს გახდა თქვენი გულისწყრომის მიზეზი.

ამ ყველაფრის ფონზე ბატონმა პრეზიდენტმა განაცხადა, რომ თქვენი რეფორმები ქაღალდზე არსებული ციფრები და წარმატებაა, თუმცა ნამდვილად ვერ დავეთანხმები ამაში, რადგან ქაღალდზეც არ გაქვთ თქვენ წარმატება ქვეყნის განვითარების გზაზე. უარი თქვით ბიუროკრატიაზე და ეს ასეულობით მილიონი ლარი აბსოლუტურად საკმარისი იქნება გადასახადების შესამცირებლად, პენსიის გასაზრდელად, ადამიანების დასასაქმებლად და მთლიანობაში ქვეყნის ეკონომიკური წინსვლისთვის”, - განაცხადა ირაკლი აბესაძემ.