"რაც მეტი დეტალები იქნება პრეზიდენტის გამოსვლაში მით უკეთესად გამოჩნდება, რა სავალალო დღეშია ქვეყანა"- ბაქრაძე

პოლიტიკა - 17:45, 07 Apr, 2017

1366

"ევროპული საქართველოს“ ერთ-ერთმა ლიდერის დავით ბაქარაძის თქმით, მას არ შუძლია ისაუბროს იმაზე თუ რა დეტალებს და ანალიზს ელოდებოდა მმართველი გუნდი გიორგი მარგველაშვილის საპარლამენტო გამოსვლისგან, თუმცა ცხადია, რომ რაც მეტი ანალიზი და დეტალები არის გამოსვლაში, მით უფრო ცხადად ჩანს რა სავალალო მდგომარეობაში ქვეყანა. აღნიშნული განცხადება უმცირესობის ლიდერმა პარლამენტში პრეზიდენტის ყოველწლიური გამოსვლის შემდეგ გააკეთა:

"გამოსვლაში რაც მეტი ანალიზი და დეტალები იქნება, მით უკეთესად გამოჩნდება, თუ რა სავალალო დღეში შეიყვანა ხალხი და ქვეყანა ხელისუფლებამ. მიუხედავად იმისა, მომწონს თუ არ მომწონს პრეზიდენტის გამოსვლა, მთავარი პრობლემა დღეს უმრავლესობის და მთავრობის დამოკიდებულებაშია. კიდევ ერთხელ ვიხილეთ მთავრობა და საპარლამენტო უმრავლესობა, რომელიც ჯიუტად ცდილობს თვალი არ გაუსწოროს პრობლემებს, რომელიც ჯიუტად ცდილობს არ გაიზიაროს რამხელა გაჭირვებაში ცხოვრობს ჩვენი მოსახლეობა, როგორ აწუხებთ მათ უმუშევრობა, გაძვირებული ცხოვრება. ხელისუფლება კიდევ ერთხელ ცდილობს დაამტკიცოს, რომ ქვეყანაში ყველაფერი არის კარგად. ეს არის დღეს ფუნდამენტური პრობლემა ქვეყანაში, რომ ქვეყანას ჰყავს მთავრობა, რომელიც ვერ ხედავს, არ აღიარებს ხალხის პრობლემებს. ასეთ პირობებში, როგორიც არ უნდა იყოს პარლამეტში პრეზიდენტის გამოსვლა, დღევანდელი დებატიდან კონკრეტულ შედეგს ნაკლებად უნდა ველოდოთ.“- განაცხადა დავით ბაქრაძემ.