საქართველოს პრეზიდენტის გამოსვლას უმაღლეს საკანონმდებლო ორგანოში მინისტრთა კაბინეტში აფასებენ. სახელმწიფო მინისტრი სოზარ სუბარი აცხადებს, რომ გარკვეული განცხადებების გაკეთებისას პრეზიდენტმა სიფრთხილე უნდა გამოიჩინოს:

„პრეზიდენტის ეს მოხსენება არ იყო ღრმა, პრეზიდენტი ერთგვარი არბიტრის როლს უნდა თამაშობდეს, თუმცა, მიმაჩნია, რომ არის საკითხები, რომლებთან მიმართებითაც პრეზიდენტს მეტი სიფრთხილე მართებს, როდესაც ამბობს სასამართლოსთან მიმართებით, ეს არის აბსოლუტური ტყუილი, პრეზიდენტი უნდა მოერიდოს ასეთი განცხადებების გაკეთებას. როცა პრეზიდენტი ამბობს, რომ სასამართლო ხელისუფლება არის კრიზისი, ეს არის სერიოზული განცხადება.

მომეჩვენა, რომ მისი სურვილი იყო ყოფილიყო უფრო მეტად კრიტიკული და ამის საფუძველი არ ჰქონდა“, - განაცხადა სოზარ სუბარმა.