საქართველოს პრეზიდენტის გამოსვლას უმაღლეს საკანონმდებლო ორგანოში მინისტრთა კაბბინეტში აფასებენ. პირველი ვიცე-პრემიერი კახა კალაძე გიორგი მარგველაშვილის ანგარიშს სუბიექტურს უწოდებს და აცხადებს, რომ იყო მოლოდინი თემების უფრო სიღრმისეულად განხილვისა:

„პრეზიდენტის მოსაზრებას ეკონომიკური მიმართულებით არ ვიზიარებ, ის იყო სუბიექტური თავის გამოსვლაში, ჩვენ ვფიქრობდით, რომ პრეზიდენტი უფრო მომზადებული იქნებოდა, უფრო ჩაუღრმავდებობდა, მაგრამ მან სხვა გზა აირჩია და სხვა მიმართყულებით წაიყვანა თავისი გამოსვლა.

ეკონომიკის მიმართულებით მის კრიტიკას ნამდვილად არ ვეთანხმები, ყველა პროექტი, რომელიც ხორციელდება სხვადასხვა მიმართულებით, იმისთვის არის, რომ ქვეყანა წინ წავიდეს. ყველა ამ პროექტის განხორციელების დროს ჩვენი მოტხოვნა არის, რომ 80% საქართველოს მოქალაქე უნდა იყოს დასაქმებული და ასეც ხდება.

პრეზიდენტის გამოსვლა არ იყო სიღმისეული, ის შეეხო ზოგადად ყველა მიმართულებას. საინტერესო იქნებოდა თემების გაშლა, პარლამენტარებსაც ექნებოდათ შესაძლებლობა საინტერესო დებატებისთვის.

ზოგადად ბოიკოტის გამომცხადებელი პოლიტიკოსები და პარტიები როგორ ამთავრებენ თავიანთ კარიერას ჩვენ კარგად გვახსოვს წინა ხელისუფლებიდან გამომდინარე, თუ მათ რეალურად აქვთ სურვილი, საკონსტიტუციო კომისიის მუშაობაში იყვნენ ჩართულნი,ა სეც მოიქცნენ, მაგრამ მათ ამის სურვილი არ აქვთ, ისინი ამ ყველაფერს პოლიტიკური მიზნებისთვის იყენებენ“, - განაცხადა კახა კალაძემ.