ბიძინა ივანიშვილის ნებაზეა დამოკიდებული, გაიხსნება თუ არა საზოგადოებისთვის დენდროლოგიური პარკი

ბიძინა ივანიშვილის ნებაზეა დამოკიდებული, გაიხსნება თუ არა საზოგადოებისთვის დენდროლოგიური პარკი - უძილაური

პოლიტიკა - 23:42, 06 Apr, 2017

4738

ბიძინა ივანიშვილის დენდროლოგიური პარკი და გაჩეხილი ხეები - რა პასუხი აქვს ქართუ ჯგუფის საზოგადოებასთან ურთიერთობის სამსახურის ხელმძღვანელს საზოგადოების კრიტიკაზე და იმ ფაქტზე, რომ ხეების გადატანის პროცესში ადგილი აქვს მოსახლეობის გადაადგილების შეფერხებას. როგორც გადაცემა ,,განსხვავებულ აქცენტებში“გიორგი უძილაურმა აღნიშნა, ხეების გადატანის დროს ყველაფერი გაწერილია და შეფერხებები იშვიათად ხდება.

„რამდენჯერმე იყო რამდენიმე საათით შეფერხება... თუმცა, მინდა ვთქვა, როდესაც დიდი პროექტები ხორციელდება, ამ შემთხვევაში ხდება ხოლმე შეფერხებები,“ - განაცხადა გიორგი უძილაურმა.

ივანიშვილის პირადი პრესმდივანი დენდროლოგიური პარკის ,,საზოგადოებრივ სიკეთეზე“ საუბრობს. „ჯერ პარკის მშენებლობა უნდა დასრულდეს და შემდეგ უნდა გაიხსნას საზოგადოებისთვის,“ - აცხადებს გიორგი უძილაური და იქვე განმარტავს, რომ ბიძინა ივანიშვილის სურვილზეა დამოკიდებული გაიხსნება თუ არა საზოგადოებისთვის დენდროლოგიური პარკი.

„ეს მის ნებაზეა დამოკიდებული, ისევე, როგორც სხვა ობიექტები, რომლებიც სახელმწიფოსთვის იყო გადაცემული. მას არანაირი ვალდებულება ამასთან დაკავშირებით არ ჰქონია,“ - აცხადებს გიორგი უძილაური.