სახელმწიფო შესყიდვებისა და საიდუმლო შესყიდვები - საია-მ კვლევის შედეგები გამოაქვეყნა

პოლიტიკა - 16:28, 06 Apr, 2017

1038

სახელმწიფო შესყიდვებისა და საიდუმლო შესყიდვების შესახებ ჩატარებული კვლევის შედეგები, რომელიც „ახალგაზრდა იურისტთა ასოციაციამ“ ჩაატარა ცნობილია.

არასამთავრობო ორგანიზაციაში აცხადებენ, რომ საიდუმლო შესყიდვების ნაწილში საია სწავლობს, თუ რა შეიცვალა მას შემდეგ, რაც მთავრობამ მიიღო ახალი წესი საიდუმლო შესყიდვებთან დაკავშირებით.

სულხან სალაძემ ჟურნალისტებთან აღნიშნა, რომ შესყიდვების მიმართულებით ხარვეზები არსებობს.

"მთელი რიგი პრობლემებია გამარტივებული შესყიდვების მიმართულებითაც"- ამბობს იურისტი.

არასამთავრობო ორგანიზაციაში ყრადღებას ამახვილებენ იმაზე რომ ბოლო ერთი წლის განმვალობაში მილიარდ ლარზე მეტია დახარჯული ადმინისტრაციული ორგანოების მიერ, რომელიც ზრდის კორუფციულ რისკებს.

„შესყიდვების წესი არის პოლიტიკური საჭიროებიდან გამომდინარე მიღებული რეგულაცია, ვიდრე რეალურ გამოწვევებზე ორიენტირებული. ბევრი საკითხი ღიად რჩება. მაგალითად, ჩვეულებრივი შესყიდვა, რომელიც არ წარმოადგენს საიდუმლოებას, საიდუმლო შესყიდვებთან ერთად იქნა განხილული, რაც ცუდი სიმპტომია. ასევე არ არის ერთფეროვანი პრაქტიკა, რა ინფორმაცია შეიძლება იყოს გაცემული და რა არ უნდა გასცეს ადმინისტრაციამ. მაგალითად თავდაცვის სამინისტრომ გასცა ინფორმაცია რამდენი საიდუმლო შესყიდვა და რა თანხებზე განახორციელა, თუმცა იგივე ინფორმაცია შინაგან საქმეთა სამინისტრომ არ გაავრცელა.

ამ დრომდე არ შემცირებულა გამარტივებული შესყიდვების ჯამური ოდენობა ციფრებში. მაგალითად, თუ ადრე იყო ათასი გამარტივებული შესყიდვა, ახლა რაოდენობა განახევრდა, თუმცა ეს თანხაზე არ ასახულა, ასევე არარაციონალურად ხდება ფინანსების ხარჯვა. ამ პროცესში აუცილებელია სახელმწიფომ გადადგას ქმედითი ნაბიჯები“,- განაცხადა სულხან სალაძემ