ბათუმის „მაგნოლიას“ საქმეზე დაკავებული გუკა რცეულიშვილი დღეს სასამართლო დარბაზიდან გირაოს სანაცვლოდ გაათავისუფლეს. რუსთავი 2-თან საუბრისას, რჩეულიშვილმა განაცხადა, რომ იგი დღეს გათავისუფლებას არ ელოდა, თუმცა იცოდა რომ რამდენიმე დღეში საპატიმრო დაწესებულებიდან გამოუშვებდნენ, რადგან მას წინასწარი პატიმრობის ვადა ეწურებოდა:

„ამ დღეებში ველოდი გათავისუფლებას, დღეს ცოტა სურპრიზი იყო, ისე ვიცოდი, რომ 12-მდე უნდა გავეშვი. ჩემს მიმართ რა ბრალდებაც იყო წარდგენილი, აბსოლუტურად აბსურდულია და შემიძლია იურიდიულადაც ჩამოვაყალიბო, მორალურადაც აბსურდული. დედაჩემი და დეიდაცემი არ უნდა იმყოფებოდნენ პატიმრობაში, შესაძლოა რაღაც შოუს ნაწილია, მაგრამ როგორც პოლიტიკურს ამ საქმეს ვერ ვხედავ. ეს უფრო არის რეპრესია ოჯახის მიმართ. რისგან არის ეს რეპრესია გამოწვეული არ ვიცი, იმის გამო რომ მოიგონ ვიღაცის გული, სამართლიანობა არადგინონ, სამართლიანობა დედაცემის და რუსოს ციხეში ყოფნით არ აღდგება.

თუ ახალი ფურცლიდან არ დავიწყეთ ურთიერთობა, დაზარალებულებმა, ჩვენ პროკურატურამ, მაშინ ვერც დაზარალებულები ვერ დაკმაყოფილდებიან, ფიზიკურად ვერ მოხდება დედაჩემის არყოფნის გარეშე და არც მოხდება, მაგის პირობას მე ვდებ“, - განაცხადა გუკა რჩეულიშვილმა.