ძველ თბილისში ევაკუაცია გამოცხადდა. მეტეხის ხიდის მიმდებარე ტერიტორიაზე სამართალდამცავებმა გზა გადაკეტეს. ინფორმაციას შინაგან საქმეთა სამინისტროში ადასტურებენ. როგორც "ნიუპოსტს" შს სამინისტროში განუცხადეს, ასაფეთქებელი ნივთიერების შესახებ შემოსული შეტყობინების საფუძველზე პოლიცია სწავლობს ვითარებას.

გავრცელებული ინფორმაციის თანახმად, უცნობმა პირმა ხიდთან ჩემოდნის მსგავსი ნივთი დატოვა. ადგილზე სამართალდამცავებთან ერთად, გამნაღმველები მუშაობენ.