ამერიკის სახელმწიფო დეპარტამენტში საქართველოსა და შეერთებულ შტატებს შორის სტრატეგიული პარტნიორობის ქარტიის სამუშაო ჯგუფის შეხვედრა გაიმართა. კონსულტაციები ეკონომიკის, ენერგეტიკის და ვაჭრობის საკითხებზე მომუშავე ჯგუფმა გამართა.

ვრცელდება ინფორმაცია იმის შესახებ, რომ დიპლომატები გაზაფხულზე ვაშინგტონში ქარტიის პლენარული სხდომის გამართვაზე მუშაობენ. სხდომას საქართველოს პრემიერ-მინისტრი უნდა დაესწროს.

ქართულმა მხარემ ცოტა ხნის წინ დაადასტურა, რომ ამზადებენ პრემიერის ოფიციალურ ვიზიტს შეერთებულ შტატებში.