ანა დოლიძე ე.წ. მოსმენების კანონთან დაკავშირებით „ეს შენ გეხებას“ წარმომადგენლებს შეხვდა

პოლიტიკა - 18:18, 04 Apr, 2017

1001

საქართველოს პრეზიდენტის საპარლამენტო მდივანი ანა დოლიძე დღეს ე.წ. მოსმენების კანონთან დაკავშირებით მოძრაობას „ეს შენ გეხება“ წარმომადგენლებს შეხვდა და არასამთავრობო ორგანიზაციებთან საკონსტიტუციო სარჩელთან დაკავშირებით პრეზიდენტის თანამშრომლობის საკითხები განიხილა.
როგორც ანა დოლიძემ განაცხადა, საზოგადოების ერთი ნაწილი აპირებს, რომ კანონი, რომელიც პარლამენტმა ახლახანს მიიღო, გაასაჩივროს საკონსტიტუციო სასამართლოში. პრეზიდენტი განსაკუთრებულ ყურადღებას ამახვილებს ამ თემაზე, რაც მის სამ ვეტოშიც გამოიხატებოდა.
„ფარული მიყურადების ახალი, გამართული, დემოკრატიული სისტემის ჩამოყალიბებასთან დაკავშირებით, როგორც საზოგადოებას ასევე სახელმწიფოსაც მაღალი ინტერესი აქვს.
თანამშრომლობის არც ერთ ფორმას არ გამოვრიცხავთ და ამ შეხვედრების მიზეზი სწორედ ეს არის, რომ მუდმივ კონტაქტში ვიყოთ სარჩელთან და ზოგადად, მომავალ სტრატეგიასთან დაკავშირებით“, - განაცხადა დოლიძემ.
ანა დოლიძის თქმით, ამ ეტაპზე მნიშველოვანია, მოხდეს კოორდინაცია ყველა იმ ჯგუფს შორის, რომელსაც აქვს სერიოზული, სიღრმისეული ინტერესი ერთხელ და სამუდამოდ ჩამოყალიბდეს მოსმენების ნორმალური, დემოკრატიული სისტემა.