საქართველოს პრეზიდენტის პრეს-სპიკერმა დღეს გამართულ პრესკონფერენციაზე 7 აპრილს უმაღლეს საკანონმდებლო ორგანოში გიორგი მარგველაშვილის ანგარიშით წარდგომასთან დაკავშირებით ისაუბრა. როგორც მიშველაძემ განაცხადა, პრეზიდენტის გამოსვლა პარლამენტში არის ტრადიცია და იგი გრძელდება:

„უმრავლესობამ გაიზიარა პრეზიდენტის ინიციატივა სიტყვით გამოსვლის შემდეგ დებატების გამართვასთან დაკავშირებით, რასაც პრეზიდენტი დადებიტად აფასებს. ზოგადად, იდეათა ჭიდილი არის ღია საზოგადოების ნაწილი, დებატები კი არის საპარლამენტო ცხოვრების და საპარლამენტო მუშაობის შემადგენელი ნაწილი. შესაძლოა ვიღაცისთვის არის პირველი, მაგრამ ეს არის პრეზიდენტის მე-6 გამოსვლა საკანონმდებლო ორგანოში. ეს არის ტრადიცია და ტრადიციულად, პრეზიდენტი თავი სიტყვაში საუბრობს ქვეყნისთვის და საზოგადოებისთვის მნიშვნელოვან საჭირბოროტო და საინტერესო საკითხებზე. მუდმივად იყო ხოლმე მთელი ამ ხნის განმავლობაში მცდელობა იმის, რომ აქცენტირება ყოფილიყო გარკვეულ პიროვნულ გარჩევებზე, დაპირისპირებებზე, თუმცა კიდევ ერთხელ ვიმეორებ, უკვე მეექვსედ პრეზიდენტი ისაუბრებს ქვეყნისთვის და ხალხისთვის მნიშვნელოვან საკითხებზე,“- განაცხადა ეკა მიშველაძემ.