დედაქალაქის მერს დავით ნარმანიას თბილისის საკრებულოში მიმდინარე წლის 11 აპრილს ელოდებიან. საკრებულოს წევრები მწვავე შეკითხვებისთვის და დებატებისთვის ემზადებიან, საუბარი შეეხება ნატა ნაზრაიძის საქმეს, დედაქალაქში გარევაჭრობის აკრძალვასა და ბოლო გასულ წელს წამოჭრილ სხვადასხვა მნიშვნელოვან საკითხებს.

საკრებულოს თავმჯდომარის თქმით, დავით ნარმანია ყველა კითხვაზე პასუხის გასაცემად მზად არის.

"ბატონი დავითი არასოდეს მორიდებია, თავიდან არასოდეს აუცილებია განსაკუთრებით მწვავე შეკითხვები, რომლებიც დედაქალაქში ყოველთვის იქნება. ჩოხელი-ნაზღაიძის თემა, რომელიც წარმოდგენილი იყო საკრებულოში, ყველანაირი სამართლებრივი ჩარჩოთი იყო შემოთავაზებული. ბუნებრივია, ჩვენ ეს ყველაფერი გავითვალისწინეთ. თუ რაიმე კითხვის ნიშანი არის გაჩენილი, თავისთავად იგულისხმება, რომ შესაბამისი უწყებები გასცემენ ამას პასუხს," - განაცხადა გიორგი ალიბეგაშვილმა.