საერთაშორისო ორგანიზაცია Freedom House ახალ კვლევას „ქვეყნები გარდამავალ პერიოდში“ აქვეყნებს. კვლევაში საქართველოზეა საუბარი.

საქართველოს დემოკრატიული პროგრესის მიხედვით საშუალოზე დაბალი მაჩვენებელი აქვს დემოკრატიულ მმართველობაში, ადგილობრივ და ეროვნულ დონეზე, ასევე საარჩევნო პროცესსა და მედიის დამოუკიდებლობაში. აღნიშნული მონაცემები ბოლო სამი წლის განმავლობაში უცვლელია.

დემოკრატიული განვითარების მდგომარეობის მიხედვით, კვლევაში საქართველო გარდამავალი მთავრობის ან ჰიბრიდული რეჟიმის კატეგორიაშია, ისევე როგორც აღმოსავლეთ პარტნიორობის ორი ქვეყანა - მოლდოვა და უკრაინა.

საქართველო ზოგადი დემოკრატიული მაჩვენებლების მიხედვით 7 ქულიანი სისტემით 4,65 ქულით არის შეფასებული, სადაც 1 საუკეთესო, ხოლო 7 - ყველაზე ცუდია.