საქართველოს ენერგეტიკის მინისტრი, ვიცე-პრემიერი კახა კალაძე შს მინისტრის ყოფილ მოადგილზეზე თავდასხმასთან დაკავშირებით კომენტარს აკეთებს. მისი განცხადებით აუცილებელია გამოძიების შედეგი დაიდოს და ამის შემდეგ გაკეთდეს შეფასებები:

„ძალიან ცუდია ფაქტი, რაც მოხდა და მე დარწმუნებული ვარ, შესაბამისი სამსახურები ყველაფერს გააკეთებენ იმისთვის, რომ მოხდეს იმ კონკრეტული პიროვნების დაკავება, ვინც ეს ჩაიდინა და მე დარწმუნებული ვარ, ძალიან მალე გაიხსნება. როგორც ყოველთვის ხდება ხოლმე მიაბამენ ხოლმე რაღაც თემებს, არ მგონია. დაველოდოთ გამოძიებას,“ - განაცხადა კახა კალაძემ.

შეგახსენებთ, რომ გელა ხვედელიძეს გუშინ თავს დაესხნენ, ხვედელიძე სამედიცინო დაწესებულებაშია მოთავსებული, გამოძიება საქართველოს სისხლის სამართლის კოდექსისი 117 მუხლით მიმდინარეობს.