საქართველოს პრეზდენტი პარლამენტის წინაშე 7 აპრილს წარსდგება, მისი გამოსვლის შემდეგ დაგეგმილია დებატები.

აღნიშნულს გამოეხმაურა ამერიკის შეერთებული შტატების ელჩი საქართველოში იან კელი, რომელიც იმედოვნებს, რომ გიორგი მარგველაშვილის გამოსვლას მთავრობა სრული შემადგენლობით დაესწრება:

„რა იქნება მთავარი საკითხები პრეზიდენტის გამოსვლაში, ეს მისი და მისი ადმინსიტრაციის გადასაწყვეტია, ვიმედოვნებ, რომ პრეზიდენტსა და მთავრობას შორის თანამშრომლობა იქნება კარგი ქვეყნის წინსვლისთვის. მოუთმენლად ველი რას იტყვის პრეზიდენტი პარასკევს. ჩემი აზრით, მნიშვნელოვანია ყველას საერთო ხედვა ჰქონდეს და ვიმედოვნებ, რომ მთავრობა დიდი შემადგენლობით დაესწრება მის გამოსვლას“, - განაცხადა იან კელიმ.