შს მინისტრის ყოფილ მოადგილეს თავს დაესხნენ

პოლიტიკა - 11:54, 03 Apr, 2017

6733

შინაგან საქმეთა მინისტრის ყოფილ მოადგილს, გელა ხვედელიძეს დაესხნენ.

ინფორმაციას ჟურნალისტი ელისო კილაძე ავრცელებს.
"ქრონიკა +"-ის რედაქტორი აცხადებს, რომ ხვედელიძეს საცხოვრებელ სახლთან ორი ნღბიანი მაშინ დაესხა თავს, როდესაც ის მაღაზიაში პროდუქტების საყიდლად მიდიოდა.

მისივე ინფორმაციით ყოფილი მაღალჩინოსანი საავადმყოფოშია გადაყვანილი.

ელისო კილაძე აღნიშნავს, რომ ხვედელიძეზე თავდასხმა, სახელმწიფო უსაფრთხოების სამსახურის ხელმძღვანელის მოადგილის, იოსებ გოგაშვილის შურისძიება.

„ეს არ იყო უბრალოდ თავდასხმა და არანაირი ყაჩაღობის მიზნით. იმიტომ, რომ ჩვენ წუხელ ღამით მივიღეთ ინფორმაცია ამის თაობაზე. გელა ხვედელიძე იყო ჩემთან და მითხრა, რომ იოსებ გოგაშვილი არის წყობიდან გამოსული იმ მასალების გამო, რაც მე გამოვაქვეყნე და იმ მასალების გამო, რის გამოქვეყნებასაც მომავალში ვაპირებდი. საქმე ეხება სინთეტიკური ნარკოტიკის, ე.წ. ბიოს დაკრიშვას გოგაშვილის მიერ. მასალებს, რომელიც ხვალინდელ გაზეთში უნდა გამოქვეყნებულიყო. გაგვაფრთხილეს პირდაპირი მნიშვნელობით, რომ ვყოფილიყავით ძალიან ფრთხილად, იმიტომ, რომ ის ჩიხშია მოქცეული, როცა უჩა მამაცაშვილმა უარი უთხრა მფარველობაზე, როცა ივანიშვილმა თქვა, რომ ის სამსახურიდან უნდა წავიდეს, როცა ვერ მოახერხა ჩემი შვილის დაჭერით ჩემი გაჩუმება, ის ჩაიდენდა გამოუსწორებელ შეცდომას. თუ გამოუსწორებელი შეცდომა გელა ხვედელიძეზე თავდასხმა იქნებოდა, რა თქმა უნდა, ამას ვერ ვივარაუდებდით,“ - აცხადებს ელისო კილაძე.