პრეზიდენტი ე.წ მოსმენების კანონზე კონსულტაციებს აგრძელებს

პოლიტიკა - 12:44, 31 Mar, 2017

1000

საქართველოს პრეზიდენტი გიორგი მარგველაშვილის განცხადებით ის ე.წ მოსმენების კანონმდებლობასთან დაკავშირებით კონსულტაციებს აგრძლებს. პრეზიდენტის შეფასებით საზოგადოება აქტიურადაა ჩართული აღნიშნული კანონმდებლობის განხილვაში რაც წინაპირობაა იმისა, რომ მიღწეული იქნება სწორი ბალანსი და საბოლოოდ მიღებული იქნება ისეთი კანონი, რომელიც ადამიანის უფლებებსაც და სახელმწიფო ინტერესებსაც თანაბრად დაიცავს:

„საზოგადოება აქტიურადაა ჩათული ამ კანონის განხილვაში, ასეთი ტიპის ჩართულობა კი ყოველთვის განაპირობებს პროცესის სიჯანსაღეს, მე დარწმუნებული ვარ რომ ამ პროცესის ბოლო იქნება ძალიან ადეკვატური საქართველოსთვის. მე არაერთხელ გამიგია, რომ თითქოს აქ არის დილემა სახელმწიფო ინტერესებსა და ინდივიდუალურ უფლებებს შორის. მე მინდა ხაზგასმით ვთქვა, რომ პიროვნების უფლებები და სახელმწიფო ინტერესები ყოველთვის თანხმობაშია ერთმანეთთან, უბრალოდ საჭიროა, რომ მივაღწიოთ სწორ ბალანსს და დარწმუნებული ვარ რომ ამ აქტიურობის შედეგად ეს ბალანსი იქნება მიღწეული. მე გავაგრძელებ კონსულტაციებს ყველა იმ მხარესთან რომელსაც უნდა უფრო კარგი კანონმდებლობის შექმნა“- განაცხადა გიორგი მარგველაშვილმა.