,,ნაციონალური მოძრაობის“ შანსები და ,,ოცნების“ განახევრებული რეიტინგი

,,ნაციონალური მოძრაობის“ შანსები და ,,ოცნების“ განახევრებული რეიტინგი - პეტრე ცისკარიშვილი IRI-ის კვლევაზე

პოლიტიკა - 20:45, 30 Mar, 2017

2932

საერთაშორისო რესპუბლიკური ინსტიტუტის IRI-ის პოლიტიკური კვლევის შედეგებს ,,ნიუპოსტსთან“ კომენტარში აფასებს ,,ნაციონალური მოძრაობის“ ერთ-ერთი ლიდერი. პეტრე ცისკარიშვილი ამბობს, რომ პარტიას ჰყავს მყარი ამომრჩეველი, თუმცა მათი ამოცანაა, განახლებული გუნდისა და ახალი იდეების კვალდაკვალ, მხარდამჭერების რიცხვის გაზრდა.

,,ჩვენ გვყავს ჩვენი მყარი ამომრჩეველი, როელიც მთლი ეს წლები არ დაგვიკარგავს, მაგრამ ასევე მნიშვნელოვანია, რომ მთავარი ერთგული ამომრჩევლის გარდა ახალი მხარდამჭერები მოვიპოვოთ, ამისათვის საჭიროა, რომ ისინი დარწმუნდნენ ჩვენი გუნდის განახლებაში, ახალ ხედვებში ახალ იდეებში, მაგრამ არანაკლებ მნიშვნელოვანია, რომ მათ დაიჯერონ, რომ ნაციონალურ მოძროაბას შეუძლია გამარჯვება. როცა ხალხს სჯერა შენი გამარჯვების, მაშინ უფრო მეტია საზოგადოებრივი მხარდაჭერა“ - აცხადებს ცისკარიშვილი.

მანვე კვლევის შედეგად ,,ქართული ოცნების“ რეტინგზე ისაუბრა და აღნიშნა, რომ არჩევნებიდან უმოკლეს დროში, მმართველი პარტიის რეიტინგის განახევრება, მოსახლეობისთვის იმედების გაცრუების შედეგია.

,,არჩევნებში გამარჯვებისა და საკონსტიტუციო უმრავლესობის აღების შემდეგ, სულ რამდენიმე თვეში განახევრებული რეიტინგი ბევრ რამეზე მეტყველებს. პირველ რიგში იმაზე, რომ ის ხმები, რომელიც მიიღეს არჩევნებში, მანიპულაციის შედეგი იყო, მეორეც მეტყველებს იმაზე, რომ ხალხი რასაც ელოდა არა მხოლოდ ახლა, არამედ 2012 წლიდან მოყოლებული, იმედი გაუცრუვდათ და არ დადგა ის შედეგი, რა გათვლასაც აკეთებდნენ, როცა ,,ქართულ ოცნებას“ აძლევდნენ ხმას. ამიტომაც არის მათი შედეგი მკვეთრად გაუარესებული და განახევრებული“ -მიიჩნევს პეტრე ცისკარიშვილი.