პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, სოფო კილაძე აცხადებს, რომ საქართველოსთვის ვენეციის კომისიის რეკომენდაციები და შეფასებები საყურადღებოა:

„ვენეციის კომისია რასაც ჩათვლის საჭიროდ და რაზეც ჩათვლის, რომ აქცენტი გააკეთოს, ისინი ამაზე გააკეთებენ აქცენტს და ჩვენ, ბუნებრივია მათ გადაწყვეტილებაში ვერ ჩავერევით. ჩვენ გვაქვს ძირითადი მონახაზი და ამასთან დაკავშირებით საკუთარ განცხადებას გაავრცელებენ აუცილებლად, ამისთვის ბუნებრივია მათ შესაბამისი დრო დასჭირდებათ, ვენეციის კომისიის შეფასება ჩვენთვის იქნება ძალიან მნიშვნელოვანი და აუცილებლად გავითვალისწინებთ იმ ძირითად საკითხებს, რომლებზეც ვენეციის კომისია აქცენტს გააკეთებს,“ - განაცხადა სოფო კილაძემ.