"სამინისტრომ გადაწყვიტა, დევნილებს მასიურად შეუწყვიტოს დახმარება"- ელენე ხოშტარია

პოლიტიკა - 12:24, 27 Mar, 2017

16516

„მოძრაობა თავისუფლებისთვის - ევროპული საქართველოს“ წევრი ელენე ხოშტარია დევნილთა პრობლემებზე საუბრობს და აღნიშნავს, რომ სამინისტრომ გადაწყვიტა, რომ შეუწყვიტონ დახმარება დევნილებს, რომლებიც კატასტროფულ პირობებში ცხოვრობენ.

„ქართულ სახელმწიფოს დევნილების მიმართ გააჩნია პოლიტიკური, მორალური და სოციალური ვალდებულებები, რაც გამოიხატება იმ მიზერულ შემწეობაში, რომელსაც დღეს სახელმწიფო უხდის და სამინისტრომ გადაწყვიტა, დევნილებს მასიურად შეუწყვიტოს დახმარება.

იმისთვის, რომ არ დავუშვათ მათი სოციალური მდგომარეობის კიდე უფრო გაუარესება, ჩვენ გამოვდივართ კონკრეტული, კარგად დათვლილი საკანონმდებლო ინიციატივით, რომ შემწეობა არათუ შემცირდეს, არამედ გაიზარდოს სამოც ლარამდე. ასევე გავზარდოთ შემოსავლის ზღვარი 1250 დან -1500 ლარამდე. ასევე სოციალურ დახმარებასთან ერთად მათ შეეძლოთ 45 ლარიანი დახმარების მიღება, ეს არის მიზერი რაც ჭირდებათ არსებობისთვის. დევნილების საცხოვრებელი პირობები არის კატასტორფული, სახლებში წვიმს, შემოდის კანალიზაცია და მართლა წარმოუდგენელია ამ პირობებში ცხოვრება და ამ ადამიანებს ეუბნებიან რომ „სახლებს თუ დაგიმტკიცებთ თქვენ აღარ გჭირდებათ შემწეობა“ რაც არის აბსოლიტურად დაუშვებელი.

ვითხოვთ, რომ სოზარ სუბარი მოვიდეს პარლამენტში, გვქონდეს საკომიტეტო, სამუშაო შეხვედრა სადაც ჩვენ დავუმტკიცებთ, რომ შესაძლებელია ამ დახმარებების გაზრდა"- განაცხადა ხოშტარიამ.