დღეს გამთენიისას ბათუმში ოძელაშვილის ქუჩის 11 ნომერში გაჩენილი ხანძრის შედეგად 50-მდე ოჯახი დაზარალდა. მეხანძრეები ცეცხლის ჩაქრობას ორი საათის განმავლობაში ცდილობდნენ. ხანძრის შედეგად ერთი მეხანძრე დაშავდა, იგი სამედიცინო დაწესებულებაში გადაიყვანეს.

ცეცხლი ამ დროისათვსი ლიკვიდირებულია. ხანძარმა ხუთსართულიანი საცხოვრებელი სახლის სახურავი გაანადგურა, დამწვარია 1 600 კვადრატული მეტრის ფართობი. ცეცხლის გაჩენის მიზეზი ამ დროისათვის უცნობია.

ადგილზე მობილიზებული იყო სახანძრო-სამაშველო ჯგუგის 11 ავტომობილი, ცეცხლს 80 მეხანძრე ებრძოდა. ზარალს მერია და სპეციალური კომისია დაადგენს, რის შემდეგაც გადაწყდება დაზრალებუთა დახმარების საკითხი.