თბილისში, მრგვალ ბაღში, საპროტესტო აქცია "არა ჩადებას" მიმდინარეობს. აქციაში მონაწილეობას იღებენ საქართველოს პრეზიდენტის შვილი, ანა მარგველაშვილი, გაზეთ ქრონიკა პლიუსის მთავარი რედაქტორი, ელისო კილაძე, რამდენიმე დღის წინ დაკავებული მიხეილ თათარიშვილის ოჯახის წევრები და ახლობლები.

აქციის მონაწილეები ხელისუფლების ნარკოპოლიტიკას და ნარკოტიკული საშუალებების ჩადებით მოქალაქეების დაკავების ფაქტებს აპროტესტებენ. ისინი აცხადებენ, რომ ელისო კილაძის შვილს, დავით ხაშილაძესა და მიხეილ თათარიშვილს, ნარკოტიკული საშუალება პოლიტიკური ზეწოლის განხორციელების მიზნით ჩაუდეს.