ყარამანიშვილები: "ხვალიდან გადავდივართ კოლექტივთან პირდაპირი კონსულტაციების რეჟიმში"

პოლიტიკა - 15:32, 26 Mar, 2017

2794

"რუსთავი 2"-ის მფლობელები ახალ განცხადებას ავრცელებენ. ლევან ყარამანიშვილი, facebook-ის გვერდზე წერს, რომ ძალაში რჩება მათი შეთავაზება რუსთავი 2-ის აქციათა 51%-ის წილის მფლობელი ტელეკომპანია საქართველოს აქციების საკონტროლო პაკეტის (51%) თანამშრომლებისათვის გადაცემის შესახებ, რის თაობაზეც ყარამანიშვილები ხვალიდან კოლექტივთან პირდაპირი კონსულტაციების დაწყებას აპირებენ. გთავაზობთ აღნიშნულ განცხადებას.

"სამწუხაროა, რომ ჩვენი გუშინდელი განცხადება, რომელიც 15:25-ზე გავრცელდა, პრაქტიკულად არ გაშუქებულა (მშრალად გავიდა 6 საათიანი კურიერის შუაში, თემის გაუშლელად, და საერთოდ არ გაშუქებულა 9 საათიან კურიერში). ეს იმ ფონზე, როცა გენერალური დირექტორის მიერ მოწვეულ თათბირს ამხელა დრო დაეთმო ეთერში. ჩვენი განცხადება რომ გაშუქებულიყო, საზოგადოება და ჩვენი კოლექტივი ბევრ უხერხულობას აცდებოდა (პირველ რიგში, ზემოხსენებული თათბირის კონტექსტში). ამიტომ, ხელახლა, უცვლელად ვავრცელებთ ჩვენს გუშინდელ განცხადებას (სადაც ხაზს ვუსვამთ, რომ არანარი შუამავალი შპს-ს მონაწილეობა არ განიხილება) და ხვალიდან გადავდივართ კოლექტივთან პირდაპირი კონსულტაციების რეჟიმში," - ნათქვამია განცხადებაში.