"ორჯერ მეტი ხელფასი მქონდა, სანამ რუსთავი 2- ში მოვიდოდი, გრცხვენოდეთ თქვენი იაფფასიანი სპეკულაციების"

"ორჯერ მეტი ხელფასი მქონდა, სანამ რუსთავი 2- ში მოვიდოდი, გრცხვენოდეთ თქვენი იაფფასიანი სპეკულაციების" - გვარამია

სოც.მედია - 17:39, 25 Mar, 2017

19677

"რუსთავი 2"-ის გენერალური დირექტორი ნიკა გვარამია და იმ ადამიანებს მიმართავს, ვისაც მისი "ხელფასი ალაპარაკებს":

"1. ორჯერ მეტი ხელფასი მქონდა და 8 საათიანი სამუშაო დღე, სანამ რუსთავი 2- ში მოვიდოდი;

2. ჩემი, როგორც დირექტორის მოვალეობაში (და ზოგადად არც ერთი დირექტორის მოვალეობაში), ტრიბუნებზე, მიტინგებზე და ბრიფინგებზე დგომა არ შედიოდა არც კონტრაქტის დადებისას და არც ახლა. სხვის საკუთრებას ვიცავდი იმის სრული რწმენით, რომ სწორად ვიქცევი გუნდის, მაყურებლის და ქვეყნის წინაშე;

3. ქიბარ ხალვაშის რუსთავი 2-შიც შემეძლო მშვიდად ვყოფილიყავი დირექტორი. გამიშვებდნენ, 5 მილიონი დოლარი მერგებოდა კომპენსაცია, თვითონ წავიდოდი - 2.5 მილიონი დოლარი. ასეთი დაცვის გარანტიები ჩამიდო დამქირავებელმა კონტრაქტში ჩემივე მოთხოვნით. სხვაგვარად სარედაქციო დამოუკიდებლობის გარანტიას ვერ მივიღებდი.

4. ძალიან სამწუხარო და სამარცხვინოა, რომ ჯერ კიდევ 2 წლის წინ ივანიშვილის რეჟიმის მიერ რ2ში სიტუაციის ასარევად დაწყებულ ჩემი ხელფასით სპეკულაციებს, დღეს აგრძელებენ ის ადამიანები, ვისი საკუთრებაც საკუთარი და ოჯახის უსაფრთხოების რისკის ფასად დავიცავი და დღემდე ვიცავ. და ასევე ის ადამიანები, რომელთა ხმას ვერავინ გაიგებდა, რომ არა გუნდის და ჩემი ეს თავგანწირული ბრძოლა.

გრცხვენოდეთ თქვენი იაფფასიანი სპეკულაციების და ისიც გახსოვდეთ, რომ 20 ათას დოლარიანი ხელფასი ნამდვილად არც მიკვირს და არც ჩემი შესაძლებლობის ზღვარია. დღემდე მაქვს ბევრად უკეთესი შემოთავაზებები, ფულზე ყველაფრის დამყვანო ხამებო" - წერს გვარამია.