"არასამთავრობო ორგანიზაციები და პრეზიდენტი კანონმდებლები არ არიან, ქვეყანას ჰყავს პარლამენტი"- თამარ ჩუგოშვილი

პოლიტიკა - 12:31, 25 Mar, 2017

1600

პარლამენტის პირველი ვიცე-სპიკერი თამარ ჩუგოშვილი იმ არასამთავრობო ორგანიზაციებს პასუხობს, რომლებიც გეგმავენ, რომ ე.წ. მოსმენების კანონი საკონსტიტუციო სასამართლოში გაასაჩივრონ.

მმართველი პარტიის ერთ-ერთი ლიდერი აღნიშნავს, რომ საკონსტიტუციო სასამართლოს გადაწყვეტილება შესრულდა.

"არც არასამთავრობო ორგანიზაციები და არც პრეზიდენტი კანონმდებლები არ არიან ქვეყანაში, ქვეყანას ჰყავს პარლამენტი"- თქვა ჩუგოშვილმა თემის კომენტირებისას.
მისი თქმით, თუ ვინმე არ პარლამენტის გადაწყვეტილებას არ ეთანხმება, მას სრული უფლება აქვს თავიდან მიმართონ საკონსტიტუციო სასამართლო.
"დარწმუნებულები ვართ, რომ ჩვენ საკონსტიტუციო სასამართლოს გადაწყვეტილება შევასრულეთ”- განაცხადა თამარ ჩუგოშვილმა.
პარლამენტის პირველი ვიცე-სპიკერი აღნიშნავს რომე.წ მოსმენების კანონპროექტზე მუშაობისას მმართველმა ძალამ ოპოზიციასთან და სხვადასხვა ინსტიტუტების წარმომადგენლებთან კონსტრუქციული თანამშრომლობა სცადა.
"სამწუხაროდ, კონსტრუქციული ნაბიჯები არ არის საპირისპირო მხრიდან გადმოდგმული. კონკრეტულად ოპერატიულ-სამძებრო ღონისძიებების შესახებ კანონზე თუ მეკითხებით, ამ შემთხვევაში ჩვენ მაქსიმალურად ყველას აზრი მოვისმინეთ და ბევრი რამ გავითვალისწინეთ. ზოგადად, არასწორი წარმოდგენა არსებობს, რომ თუკი ყველა შენიშვნა არ არის გათვალისწინებული, ე.ი. ამ შემთხვევაში ცუდად კეთდება საქმე. არც არასამთავრობო ორგანიზაციები და არც პრეზიდენტი კანონმდებლები არ არიან ქვეყანაში, ქვეყანას ჰყავს საკანონმდებლო ორგანო, პარლამენტი და პარლამენტის წევრები ქმნიან კანონებს და არა სხვა პირები და ინტიტუტები. ეს არის ჩვენი ქვეყნის კონსტიტუცია. ჩვენ მაქსიმალურად გახსნილები ვართ, ვისმენთ ყველა აზრს, მაგრამ გადაწყვეტილებას ვიღებთ თავად. ასე იმართება ქვეყანა" - განაცხადა თამარ ჩუგოშვილმა.