ე.წ. ეშელონებთან დაკავშირებით საქართველოს პრეზიდენტის მიერ გაკეთებულ განცხადებას მმართველ გუნდში ეხმაურებიან. არჩილ თალაკვაძის განცხადებით დიალოგი პრეზიდენტის ინსტიტუტთან გრძელდება, მიუხედავად განსხვავებული პოზიციებისა:

„ის, რომ ქვეყანაში დღეს ისმის განსხვავებული ხმა, ის, რომ არსებობს ოპონირების რეჟიმი, როგორც პარლამენტის შიგნით, ისე პარლამენტის გარეთ, ეს არის ზუსტად იმ დემოკრატიის ხარისხისა და სტანდარტის დამსახურება, რომელიც ჩვენ გვაქვს ქვეყანაში. რაც შეეხება, დიალოგს ზოგადად პრეზიდენტის ინსტიტუტთან, ეს დიალოგი გრძელდება, თუნდაც განსხვავებული პოზიციების შემთხვევაში. მე ვერ ვხედავ არაბუნებრივს დემოკრატიისთვის, როდესაც განსხვავებულ პოზიციებზე დგას პრეზიდენტი და საპარლამენტო უმრავლესობა,“- განაცხადა არჩილ თალაკვაძემ.