„მილიონი ლარის დახარჯვა სამინისტროების მშენებლობაზე აბსოლუტურად მიუღებელია"- ირაკლი აბესაძე

პოლიტიკა - 17:22, 24 Mar, 2017

1335

მოძრაობა თავისუფლებისთის-ევროპული საქართველოს წევრი ირაკლი აბესაძე მთავრობის ახალ ინიციატივას „სამთავრობო ქალაქის“ შექმნასთან დაკავშირებით, აკრიტიკებს და აღნისნავს, რომ აბსოლუტურად მიუღებელია მშენებლობაზე მილიონი ლარის დახარჯვა, როდესაც ქვეყანაში ასეთი ეკონომიკური სიდუხჭირეა.

,,მიუხედავად იმისა, რომ გასული ოთხი წლის განმავლობაში ქართული ოცნების მიერ წარმოებულმა ეკონომიკურმა პოლიტიკამ ქვეყანაში შექმნა ძალიან მძიმე ეკონომიკური კრიზისი, გააძვირა ცხოვრება, გაართულა ყოველდღიური ყოფა, გაზარდა სირარიბე, ხელისუფლება ვერ ახერხებს უარი თქვას ბიუროკრატიულ ფუფუნებაზე, რომლის შედეგიც არის სწორედ ის, რომ დღეს თითოეული ჩვენგანისთვის ცხოვრება არის უფრო რთული. მაშინ, როდესაც 40 000-მდე სოციალურად დაუცველს უკანასკნელი ლუკმა წაართვა ბატონმა სერგეენკომ, მაშინ როდესაც ლტოლვითა საკითხი არ არის მოგვარებული და რაც ყველაზე მთავარია, მაშინ როდესაც ქვეყნის ეკონომიკური განვითარება არის მნიშვნელოვნად შეფერხებული და უკეთესი მომავლის რეალურ საფუძველს არ იძლევა, ეს არის უაღზრესად არასწორი ნაბიჯი ხელისუფლების მხრიდან’’- განაცხადა ირაკლი აბესაძემ.