ბაჩუკი ქარდავა: ,,ლოგიკურია რუსთავი 2-ის თანამშრომლების შემხვედრი წინადადება საკონტროლო პაკეტის გადაცემაზე“

პოლიტიკა - 16:34, 24 Mar, 2017

1270

რუსთავი 2-ის მეპატრონეების ყარამანაშვილების შეთავაზებას თანამშრომლებისთვის 40%-იანი წილის გადაცემაზე გამოხმაურება მოჰყვა პოლიტიკოსებში. ედპ-ს ლიდერი აცხადებს, რომ ტელეკომპანიის თანამშომლებისთვის საკონტროლო პაკეტის გადაცემა კიდევ უფრო გაზრდის ახრის თავისუფლებისა და დამოუკიდებლობის ხარისხს, რაც რუსთავი 2-ისადმი საზოგადოებრივი მხარდაჭერის ერთ-ერთი მთავარი ფაქტორია.

,,ადამიანის უფლებათა ევროპული სასამართლოს გადაწყვეტილების საფუძველზე უკვე თამამად შეიძლება საუბარი, რომ განსხვავებული აზრის მატარებელი ტელევიზია რუსთავი 2-ის ხელყოფა ხელისუფლების მხრიდან საქართველოში მინიმუმ შეუძლებელია და თუ ხელისუფლება ამას არ გაითვალისწინებს, მაშინ შეიძლება ის გადაყვეს ამ ფაქტს.

სწორედ, რომ სტრასბურგის სასამართლოს გადაწყვეტილების და რაც მთავრია, თავად ქართული საზოგადოების მხარდაჭერის ერთ-ერთი მავარი ფაქტორი იყო რუსთავი 2-ის როგორც განსხვავებული აზრის მატარებელი, ხელისუფლებისგან უკონტროლო ეროვნული მაუწყებლის არსებობა ქვეყანაში.

აქედან გამომდინარე პოზიტიურად ვუყურებ მეპატრონეების ყარამანაშვილების გადაწყვეტილებას არხის თანამშრომლბისთვის სოლიდური წილის შეთავაზებაზე, თუმცა ხაზგასმისთ მინდა აღვნიშნო, რომ აბსოლუტურად ლოგიკურია შემხვედრი წინადადება რუსთავი 2-ის თანამშრომლებისა და მენეჯმენტის მხრიდან საკონტროლო პაკეტის გადაცემის თაობაზე, რომელიც ვიტყოდი, სწორედ საზოგადოებრივი აზრით არის ნაკარნახევი.

ეს იქნება წინგადადგმული ნაბიჯი არა მხოლოდ ქართულ მედიასივრცეში, არამედ ეს შეიძლება იყოს უნიკალური შემთხვევა ჩვენს გეოპოლიტიკურ არეალში“ - განაცხადა ბაჩუკი ქარდავამ.