ე.წ. ციანიდის საქმე - გამოძიებამ კიდევ ერთი სასულიერო პირი მამა დავით ჭინჭარაული დაკითხა, პარალელურად, დაკავებული დეკანოზის, მამა გიორგი მამალაძის ადვოკატები სინოდის ყველა წევრის სასამართლო პროცესზე დაკითხვას ითხოვენ.

გამოძიებამ დღეს დეკანოზი მიქაელ ბოტკოველი და კიდევ ორი სასულიერო პირიც დაკითხა.

“სასულიერო პირები, მათ შორის წმინდა სინოდის წევრებიც მზად არიან პროკურატურას მისცენ ჩვენება, მათთვის საინტერესო შეკითხვებთან დაკავშირებით, ამით ხელი არ ეშლება. ერთადერთი, ჩვენ რასაც მივუთითებდით მამა გიორგი მამალაძის ადვოკატებს, რომ უშუალოდ ადვოკატს ანუ ადვოკატებს არ ჰქონდათ უფლება, რომ დაეკითხათ ეს სასულიერო პირები. თუ პროკურატურა მოითხოვს, ასეთ შემთხვევაში ისინი მზად არიან, რომ ამომწურავი და დასაბუთებული ჩვენება მისცენ,“ - განაცხადა ქარჩავამ.