საქართველოს თავდაცვის სამინისტრო აქტიურ ე.წ. სარეზერვო სამსახურს ქმნის. აღნიშნულის შესახებ ჟურნალისტებს ინფორმაცია თავდაცვის მინისტრის მოადგილემ, ნუკრი გელაშვილმა მიაწოდა:

”თავდაცვის სამინისტრო ინტენსიურად მუშაობს სამხედრო რეზერვის კონცეფციის შემუშავებაზე. ამ პროცესში ყველა სტრუქტურული ერთეულია ჩართული: გენერალური შტაბი, ეროვნული გვარდია და სამოქალაქო ოფისი. კონცეფციის პროექტი უკვე წარვუდგინეთ ექსპერტებს. გავითვალისწინეთ რიგი შენიშვნები და წინადადებები. გვსურს, პროექტი განვიხილოთ თავდაცვისა და უშიშროების კომიტეტთან და მოვისმინოთ დეპუტატების პოზიცია”, - განუცხადა ჟურნალისტებს ნუკრი გელაშვილმა.