საქართველოს პრეზიდენტი გიორგი მარგველაშვილი მისი ქალიშვილის, ანა მარგველაშვილი მიერ გაკეთებულ განცხადებას ეხმაურება. ანა მარგველაშვილის ტქმით, მისი ოჯახის წევრებსა და მეგობრებს უთვალთვალებენ, ერთ-ერთ მეგობარს კი ნარკოტიკული საშუალება ჩაუდეს დადააკავეს. აღნიშნულ პრეზიდენტი ტელეკომპანია „მაესტროს“ პირდაპირ ეთერში გამოეხმაურა:

„ანამ დამირეკა და მითხრა, რომ მოხდა დაკავება და მიაჩნია, რომ ეს არის უსამართლობა, მითხრა, რომ ის დააფიქსირებს თავის პოზიციას, მე ვუთხარი რომ შენ ხარ საქართველოს მოქალაქე, ზრდასრული ადამინი, შენ ხარ ადამიანი, რომელმაც მიიღო განათლება და შეგიძლია დააფიქსირო შენი აზრი კანონის ფარგლებში, ამის უფლება აქვს არა მარტო ანას, არამედ ყველა მოქალაქეს და გარკვეულწილად მორალური ვალდებულებაც, რომ იყოს მართალი თავისი მოქალაქეების წინაშე. მე საქმის დეტალებში არ შევალ, მაგრამ ვიტყვი რომ საზოგადოება ხედავს გარკვეულ პრობლემებს, მე ვუყურებ საზოგადოებას და ვაკვირდები პროცესებს. ჩემი განცხადება ვერ იქნება ასე უბრალოდ ემოციური, ვნახოთ როგორ განვითარდება პროცესები. სამწუხაროდ ქართულ საზოგადოებას მძიმე გამოცდილება აქვს და ჩვენი ხელისუფლებაში მოსვლის დროს ჰუმანური სახე მიიღო ოცნების მმართველობამ, თუმცა, გადაცდომები იყო და მე ნათლად დამიფიქსირებია ჩემი პოზიცია, იგივე კორცხელის ინციდენტზე, სადაც ძალადობა განხორციელდა. ბევრად უფრო ჰუმანურია ოცნების ხელისუფლება, მაგრამ მოქალაქეების პოზიციას პოლიტიკოსმა უნდა მოუსმინოს და ვუსმენ მეც, რომ როდესმე სადმე რომელიმე ხელისუფლებამ არ გადაამეტოს თავის მოვალეობას. ეს არის ის, რაც ინარჩუნებს თავისუფალ საზოგადოებას, არა ნიშნების დაწერა, რომ ყევლაფერი კარგად არის, არამედ თვალყურის დევნება“, - განაცხადა გიორგი მარგველაშვილმა.